Ministri i Energjisë dhe Minierave Ethem Çeku, vizitoi termo

Ministri i Energjisë dhe Minierave Ethem Çeku, vizitoi termocentralin Kosova "A" dhe divizionin e minierave të KEK-ut.\21.12.07\

Sektori i minierave të KEK-ut po bën një punë të madhe për furnizimin me thëngjill të blloqeve të termocentraleve Kosovës A dhe Kosova B, ka thënë ministri Etehm Çeku, gjatë vizitës në divizionin e mihjeve dhe në termocentralet e KEK-ut.
Furnizimi aktual me thëngjill ka mundësuar gjenerimin e rreth 800 megavatëve energji elektrike, gjë që mundëson një furnizim më të mirë me energji gjatë festave, tha Ministri Çeku.
Ai komentoi edhe deklaratat e qeveritarëve serb për paralajmërim të ndërhyrjes në sektorin e energjisë, në rast të shpalljes së pavarësisë.
Në KEK po punohet në remontin e turbinave të prodhimit, të cilat, siç tha Çeku, do të mundësojnë një furnizim të qëndrueshëm. Çeku tha se aktualisht blehen vetëm 39 megavatë orë të energjisë elektrike, kurse pjesa tjetër shkëmbehet me vendet e rajonit.
Sipas tij Kosova do të hyjë në fazën e tejkalimit të krizës energjetike në saje të rehabilitimit të bllokut A5 dhe hapjes së minierës së Sitnicës.\21.12.07\