Keqkuptimet rreth fesë Islame

Keqkuptimet rreth fesë Islame <hr style="COLOR: #b6b6b6" SIZE=1>Qetu eshte nje material rreth disa gjerave jo te verteta qe i thuhen Islamit...


Keqkuptimi 1: All-llahu është Zoti i muslimanëve dhe është i ndryshëm nga Zoti i të krishterëve apo i hebrenjve

Realiteti: Ekziston vetëm një Zot. All-llah është fjala arabe për Zotin dhe është e vetmja fjalë në gjuhën arabe që në asnjë mënyrë nuk mund të kthehet në shumës. Po ta lexojmë Biblën në gjuhën arabe, aty përdoret fjala “All-llah” për Zotin.

· Keqkuptimi 2: Së pari ka ekzistuar kombi, pastaj feja Islame;

Prandaj këto bien në konflikt

Realiteti: Njeriu i parë i krijuar, Ademi a.s. nuk i takonte asnjë kombi, fisi apo grupi etnik të caktuar. Mirëpo, ai i ishte nënshtruar Vullnetit të All-llahut, Zotit të botërave, pra, ishte musliman.

All-llahu thotë në Kur’an:

O ju njerëz, vërtetë Ne ju krijuam ju prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se tek All-llahu më i ndershmi ndër ju është ai që më tepër është i ruajtur (këqijat), e All-llahu është i dijshëm dhe hollësisht i njohur për çdo gjë. (49:13)

Nuk është e domosdoshme që dashuria ndaj kombit dhe ndaj Zotit të bien gjithmonë në konflikt. Feja Islame është një sistem i plotë i jetës i përpliluar për ne nga Krijuesi ynë. Ndërsa, dashuria për atdheun dhe kombin është një gjë shumë pozitive, sepse në fenë Islame ne jemi të obliguar që të punojmë për dobinë e shoqërisë sonë.

· Keqkuptimi 3: Të gjithë muslimanët janë arabë dhe të gjithë arabët janë muslimanë, pra feja Islame nuk mund të jetë feja jonë

Realiteti: Nga 1.2 miliardë muslimanët e deklaruar që jetojnë sot në botë, vetëm 18 % prej tyre janë arabë. Derisa shumica e arabëve janë muslimanë, me miliona të tillë janë të krishterë.

All-llahu thotë në Kur’an:

E Ne të dërguam ty (Muhammed) vetëm si mëshirë për të gjitha krijesat. (21:107)

Ne nuk të dërguam ty ndryshe vetëm se për të gjithë njerëzit, përgëzues dhe tërheqës i vërejtjes, por shumica e njerëzve nuk e dinë. (34:28)

Muslimanët vijnë nga të gjitha racat dhe kombet. Feja Islame është fe universale, që i dedikohet gjithë njerëzimit. Shokët e Muhammedit a.s. ishin: arabë, persianë, afrikanë dhe bizantinë. Me mijëra amerikanë, me prejardhje të ndryshme etnike, konvertohen në fenë Islame për çdo vit.

· Keqkuptimi 4: Islami u përhap me dhunë në trojet tona; duhet t’i kthehemi fesë sonë të vjetër-krishterimit

Realiteti: Kur jepet ky mendim, zakonisht mendohet se Islami në trojet tona u përhap nga turqit dhe se ai nuk ekzistonte tek ne para ardhjes së tyre. Mirëpo, studimet historike më të reja theksojnë praninë e fesë Islame me vite të tëra para ardhjes së osmanëve në këto troje.

Pastaj, para se të vinin turqit, trojet tona ishin të pushtuara nga pushtuesi ortodoks serbë. Kur u përhap Islami në shumicën e popullit tonë, shqiptarët muslimanë filluan të marrin poste udhëheqëse në administratën e re të instaluar. Kjo ndikoi në ruajtjen e identitetit kombëtar dhe në mbrojtjen nga asimilimi.

Në aspektin kombëtar, paraardhësit tanë nuk ishin të krishterë; ilirët ishin paganë. Prandaj, është shjumë e palogjikshme që t’i bëjmë edhe ne gabimet e tyre: të adhurojmë qenie, statuja apo pjesë të caktuara të natyrës dhe ta lëmë anash adhurimin e Krijuesit tonë.

Nëse shkojmë pak më tej, në aspektin global, njeriu i parë në fytyrën e tokës, Ademi a.s., ishte musliman- i nënshtruar ndaj Vullnetit të All-llahut. Pra, pse të mos kthehemi në besimin e babait të njerëzimit?

Poashtu, duhet të kemi parasysh se All-llahu e ka pajisur njeriun me vetëdije. Pra, ne kemi mundësi zgjedhjeje: rrugën e drejtë apo të gabuarën. Prandaj, është e palogjikshme që ta cilësojmë veten të detyruar ndaj “fesë sonë të vjetër”, kur të analizojmë me një mendje kritike fenë Islame dhe të kuptojmë se është sistem i plotë jetësor dhe i pranueshëm te All-llahu, Zoti i botërave.

· Keqkuptimi 5: Feja Islame nuk i toleron besimet tjera fetare

Realiteti: Edhepse feja Islame është sistemi i vetëm jetësor i pranuar tek All-llahu, muslimanët janë të obliguar t’i respektojnë personat që u takojnë besimeve të tjera fetare. All-llahu thotë në Kur’an:

Në fe nuk ka dhunë. Është sqaruar e vërteta nga e kota. (2:256)

Muslimanët mbi 700 vite sunduan Spanjën dhe u bënë shembull për tolerancën e tyre ndaj të krishterëve dhe hebrenjve. Kishat më të rëndësishme gjenden në vendet muslimane për shekuj të tërë.

· Keqkuptimi 6: Feja bie në kundërshtim me shkencën

Realiteti: Feja Islame, si mënyrë e jetës e përcaktuar nga Krijuesi ynë, është në përputhshmëri të plotë me shkencën. Fetë tjera, të modifikuara dhe të përziera me elemente që i trilloi mendja njerëzore, normalisht se bien në kundërshtim me shkencën e vërtetë.

Ajeti i parë i shpallur në Kur’an është:

Lexo... (96:1) dhe fton njerëzimin që të lexojë, studiojë, meditojë rreth krijimit të mrekullueshëm të qiejve, të tokës dhe të qenieve të gjalla nga ana e All-llahut. Ekzistojnë edhe shumë ajete Kur’anore me porosinë e njëjtë. Pra, All-llahu në Kur’an inkurajon zhvillimin e shkencës.

Poashtu, një pikë tjetër me rëndësi që duhet theksuar këtu, është se Kur’ani përmban disa shpjegime të mrekullueshme të dukurive e proceseve fizike, biologjike, etj., që janë zbuluar nga njeriu vetëm me teknologjinë e shek. XX (Kur’ani është shpallur 1400 vite më parë), duke vërtetuar se është Fjalë e All-llahut. Le t’i analizojmë vetëm disa nga këto ajete:

Ne, me forcën tonë e ngritëm qiellin dhe Ne e zgjerojmë atë. (51:47) Këtu flitet për zgjerimin e universit – U zbulua më 1929 nga Edwin Hubble

Qiellin ua kemi bërë kulm të sigurt, por ata zbrapsen prej atyre argumenteve. (21:32) Këtu All-llahu e quan qiellin “kulm të sigurt”. Shkencëtarët e zbuluan këtë veti të atmosferës vetëm në shekullin e 20-të (mbron nga rrezet ultravjollcë, meteorët, etj.)

... Ne e kemi zbritur edhe hekurin që në të ka forcë... (57:25) Shkenca ka vërtetuar se hekuri ka ardhur nga gjithësia, sepse sistemi ynë diellor nuk ka kapacitet për formimin e tij.

A mendon njeriu se nuk do t’i tubojmë eshtrat e tij? Po, do t’ia tubojmë! Duke qenë se Ne jemi të zotët t’ia rikrijojmë si kanë qenë edhe majat e gishtave të tij! (75:3-4) Pse All-llahu përmend “majat e gishtave”? Sepse asnjë njeri nuk i ka identike! Kjo u zbulua vetëm në shek. e 19-të. Shenjat e gishtërinjve shërbejnë për qëllime identifikime në mbarë botën.

...Ai u krijoi në barqet e nënave tuaja, krijim (etapë) pas krijimi në tri errësira... (39:6) Zhvillimet teknologjike të shekullit të 20-të mundësuan zbulimin e tri fazave të zhvillimit të foshnjes në barkun e nënës: Para-embrionale, embrionale dhe fetale.

· Keqkuptimi 7: Feja Islame na shndërron në fundamentalistë dhe ekstremistë, kjo është shumë e rrezikshme

Realiteti: Fundamentalizmi është një lëvizje konservative e protestantëve të SHBA-ve, që filloi në fund të shekullit të 19-të. Kjo lëvizje i konsideronte si të pagabueshme doktrinat e krishtera, të cilat nuk kanë ndonjë burim qendror dhe preciz. Kjo bën që kjo lëvizje të jetë e pazbatueshme në rrethanat dhe kohën tonë.

Në anën tjetër, parimet Islame bazohen vetëm në Kur’anin, fjalën e All-llahut, që ka ruajtur formën e tij origjinale, që nga koha e shpalljes (mbi 1400 vjet më parë) e deri më ditët e sotme dhe në aplikimin e tij nga Muhammedi a.s.

Nuk mund të ketë ekstremizëm në një fe të plotë siç është feja e All-llahut. Çdo gjë sa i përket jetës së njeriut është e rregulluar dhe e programuar sipas Kur’anit. Njeriu që dëshiron të veprojë si musliman, duhet t’i përmbahet në tërësi parimeve Islame, të shpjeguara në Kur’an. Këto parime vlejnë për të gjitha rrethanat dhe kohërat. Prandaj, termet si musliman i moderuar, fundamentalist apo musliman radikal janë plotësisht të gabuara dhe në kundërshtim të plotë me parimet Islame.