Nokia "ekologjike"

Nokia "ekologjike"


Në vitin 2007, Nokia ka ofruar në treg një celular të lirë me emrin, 3110 Classic. Këto ditë ajo ka paraqitur edhe serinë e re të këtij modeli - Nokia 3110 Evolve.
Telefoni është paraqitur nën parullën e modelit “të gjelbër”, ndërsa u dedikohet shfrytëzuesve të cilët, në emër të ekologjisë, do tu plotësojë nevojat me mundësi modeste dhe kualitetin e telefonit celular.

Nokia 3110 Evolve do të gjendet në treg, në tremujorin e parë të vitit 2008. Çmimi me të cilin do të shitet ende nuk është bërë i njohur. "Ekologjia" e këtij modeli përbëhet nga biomateriali, nga e cila është punuar mbështjellësi i telefonit. Komponentët janë, sipas asaj që deklarojnë përfaqësuesit e Nokias, 60 për qind të përshtatshme për riciklim, derisa mbushësi është dukshëm më efikas nga ata standard.

Nokia 3110 Evolve u takon telefonave GSM. Për bartje të dhënave mbështet teknologjitë GPRS e EDGE, edhe pse karakteristikat e tyre janë dukshëm më modeste nga gjeneratat më të reja të rrjetave të telefonave mobil si, 3G e 3.5G. Telefoni peshon 87 gramë dhe ka dimensione të vogla - 109 x 46 x 16 milimetra. Në vete ka të integruar edhe kamerën me rezolucion prej 1.3 megapikselë.